НОВ ШОК ВО ГЕРМАНИЈА ПРЕД ПРАЗНИЦИТЕ – Работниците на автомобилски гигант ја добија најлошата можна вест, а се огласи и компанијата

Повеќе од 600 фабрички работници „Porschе“ („Порше“) во Штутгарт биле принудени да бараат нови работни места.

Имено, на работниците им истекуваат договорите на определено време, а компанијата нема намера да ги продолжи, јавуваат германските медиуми.

Во последните неколку дена се повеќе лоши вести доаѓаат за работниците кои работат во и околу Штутгарт. „Bosch“ сака да укине 1.500 работни места, а слична судбина ги чека и работниците на „Porsche“. Неодамна беше објавено и дека фабриката на „Audi“ во Некарсулм отпушта 600 работници.

„Во текот на следната година околу 600 договори за вработување на определено време постепено ќе бидат укинати и нема да бидат продолжени. Првите работни односи ќе завршат веќе во јануари“, посочи директорот на советот за труд за германските медиуми.

„Porsche“ речиси ја удвои својата работна сила во последните десет години на моментално 24.700 вработени. Тука спаѓаат 2.400 вработени со договори на определено време.

Демографскиот развој во последните години, како што пренесуваат германските медиуми, довел до фактот дека голем број вработени ја напуштиле компанијата поради пензионирање додека „Porsche“ од таа причина доби непропорционален број работници на постојан работен однос.

„Сега повторно достигнавме стабилна состојба така што договорите на определено време во голема мера ќе истечат во 2024 година. Немаме привремени работници во производството“, соопштија од компанијата.

Работниците кои имаат договор за вработување на неопределено време со „Porsche“ добиваат бенефиции од колективниот договор, а компанијата кои привремените работници не ги добиваат.