ОВА СЕ НАЈЛОШИТЕ НАВИКИ НА МЛАДИТЕ ВОЗАЧИ! Шокантно истражување покажа дека тинејџерите зад воланот се однесуваат многу ‘безобразно’ во сообраќајот

Францускиот магазин Vinci Autoroutes спроведе истражување на примерок од 12.400 возачи во 11 европски земји, а резултатите покажаа поразителен факт – речиси четвртина од возачите помлади од 35 години велат дека се однесуваат ризично на патиштата.

Дури 67 отсто од помладите возачи сметаат дека користењето мобилен телефон додека возат е безопасно, а 15 отсто од нив веќе доживеале сообраќајна несреќа поради користење на мобилен телефон додека возат.

Резултатите покажуваат дека помладите возачи, особено мажите, се посклони на ризично однесување отколку во претходните години. Меѓу нив, 23 отсто од возачите ги користат своите телефони за да гледаат филмови или видеа додека возат, а повеќе од половина од анкетираните (54 отсто) немаат проблем да возат кога се многу уморни.

Исто така, интересно е што само 19 отсто од нив не сметаат дека возењето под дејство на алкохол и дрога е опасно!

Друг загрижувачки проблем е што секој трет европски возач на возраст од 16 до 24 години не носи појас, а дури 15 отсто од младите немаат проблем со возењето под дејство на алкохол.

Така, трендот е јасен бидејќи 89 отсто од испитаниците велат дека ги исплашило агресивното или опасно однесување на другите возачи. Ова е највисок процент во последните 13 години колку што е спроведено ова истражување.