ОГРОМНА КОМЕТА СЕ УПАТУВА КОН ЗЕМЈАТА – Се очекува голема експлозија во вселената, еве што велат астрономите

Астрономите неодамна открија дека џиновската комета Понс-Брукс, која се проценува дека има дијаметар од 30 километри, се движи кон Земјата откако ќе експлодира во вселената. Експертите наведуваат дека нема ризик од удар.

Небесниот спектакл ќе биде видлив со голо око кога кометата ќе ја достигне најблиската точка до нашата планета на 21. април следната година.

Оваа гломазна вселенска карпа се нарекува 12P/Pons-Brooks, а всушност е криовулканска комета, односно студен вулкан.

Има цврсто јадро и се состои од мраз, прашина и облак од гасови кои излегуваат од внатрешноста на кометата. Кога сончевото зрачење ја загрева внатрешноста на кометата, притисокот во неа се зголемува и кометата силно експлодира, исфрлајќи ја нејзината замрзната внатрешност во вселената преку големи пукнатини во обвивката на јадрото.

Иако Понс-Брукс ќе биде најблиску до Земјата во април 2024 година, експертите предвидуваат дека може да се набљудува и во текот на мај и јуни.

Врвот на спектаклот се очекува на 2. јуни следната година, кога кометата најсветло ќе трепка на ноќното небо.

Во моментов, Понс-Брукс се наоѓа во соѕвездието Херкулес, а бидејќи брзо се приближува до нашата планета, се претпоставува дека ќе продолжи да еруптира, пишува Live Science.