Османи: Ќе бидам Градоначалник на сите граѓани на Чаир, без разлика на националност или верска припадност

Бујар Османи од ДУИ, кој ќе се кандидира на овие локални избори за Градоначалник на општина Чаир, во видео обраќање рече дека Македонија е земја за сите, па затоа соживотот меѓу многу заедници е очигледен во оваа земја.

„Македонија е наш заеднички дом, додека Чаир е симбол на соживот меѓу Албанците, Македонците, Ромите и сите други заедници кои заедно ги делат истите радости, предизвици и соништа за подобар живот“, рече Османи.

Тој рече дека Охридскиот договор е темел на стабилноста и гаранција за иднина што ќе се гради без поделби, со еднаквост и почитување за сите.

„Како иден градоначалник, ќе бидам столб на добри меѓуетнички односи, ќе се грижам подеднакво за секој граѓанин и за секое соседство, без оглед на етничката припадност или религијата. Верувам дека преку вера и почит, ќе го издигнеме Чаирин од пепелта. Нашата сила е во нашето заедништво. Така ќе продолжиме – силни, обединети и решени да го изградиме Чаир како дом за сите“, додаде Османи.