Познатиот црвен дрес на Мајкл Џордан продаден за 2,6 милиони долари

Познатиот црвен дрес на Мајкл Џордан од 1993 година беше продаден на аукција за 2,6 милиони долари.

Тоа е дресот на Чикаго Булс што го носеше на насловната страница на „Спортс Илустрејтид“ на 18 октомври 1993 година.

На корицата е прикажан Џордан со натпис „Зошто?“ со големи букви, а тоа е текст посветен на неговата одлука да се пензионира за првпат само 13 дена порано.

Џордан го носеше тој црвен дрес 17 пати во сезоната 1992/1993, а победникот на аукцијата и неговиот нов сопственик сакаа да останат анонимни.

Интересно е што ова не е рекордна продажба на ниту еден од дресовите на Џордан. Рекордот го држи оној од финалето на НБА во 1998 година, кој беше продаден пред три години за дури 10 милиони долари.