Поранешен палестински репрезентативец убиен во израелски воздушен напад врз Газа

Поранешниот палестински фудбалски репрезентативец Сулејман Ал-Абид е убиен во израелски воздушен напад врз Газа, потврдија локални извори.

Ал-Абид беше признат како еден од најталентираните фудбалери од Појасот Газа и со години го носеше дресот и капитенската лента на клубот Ал Шати, каде што остави длабок белег како лидер и инспирација за генерации млади спортисти.

Роден на 24 март 1984 година, тој ја изгради својата кариера и покрај тешките услови во кои живеат и тренираат палестинските спортисти. Неговиот придонес во палестинскиот фудбал беше неизмерен, како на теренот, така и надвор од него.

Веста за неговата смрт предизвика шок и тага во спортските кругови низ цела Палестина и арапскиот свет. Бројни спортски организации, поранешни соиграчи и навивачи изразија сочувство и негодување поради континуираното страдање на цивилното население, вклучително и спортистите.

Сулејман Ал-Обаид е друго име на списокот на палестински спортисти кои ги загубија животите за време на војната во Газа, чиј интензитет не покажува знаци на намалување.