ПОЧИНА ЛЕГЕНДАРНА ОЛИМПИСКА ШАМПИОНКА – Ја промени историјата на овој спорт, а нејзините настапи ќе останат запаметени засекогаш

Анфиса Резцова, првата жена во историјата на Олимписките игри која освои злато во два спорта, почина во петокот на 58-годишна возраст.

Анфиса Резцова беше позната по нејзините изведби во крос-кантри и биатлон.

Таа е двократна олимписка шампионка во биатлон (Албертвил 1992, Лилехамер 1994) и има еден бронзен медал во штафетата во биатлон, кој го освои во 1992 година.

Го освои златниот медал во крос-кантри во 1988 година, додека среброто го освои во поединечна дисциплина.

Добитник е на наградата „Почесен спортист на СССР“ .

Покрај петте олимписки медали, Анфиса Резцова освои и три злата на Светските првенства, како и три бронзи, а во успешната кариера има еден трофеј од Светскиот куп во крос-кантри и седум титули на СП во биатлон.