Приведени 5 лица поради исчезнувањето на Вања (14): Најнови информации за потрагата по девојчето од Скопје

Пет лица се приведени доцна синоќа поради исчезнувањето на Вања Ѓорчевска (14), истрагата е во тек, но во интерес на истрагата не може да се даваат повеќе информации, изјави денеска министерот за внатрешни работи на Македонија, Оливер. Спасовски.

На шестиот ден од нејзиното исчезнување во Македонија и регионот, првата вест е фотографија од ликот на Вања со апел граѓаните да помогат да се најде Вања. Поранешниот шеф на МВР, Љубомир Ѓурчевски, вели дека состојбата е многу загрижувачка. Истрагата треба да продолжи во таа насока и местата, како и со лицата кои биле во контакт, повторно да се проверат.

Министерот Оливер Спасовски рече дека нема апсолутна потврда дека Вања билс во близина на кафулето, во близина на Универзална сала. Министеот изјави дека нејзиниот татко ја пријавил за исчезната во понеделникот околу 11 часот. Еден од идентификаторите на нејзините движења е мобилниот телефон, за кој семејството рече дека последен пат се наоѓал во близина на Универзалната сала.

Спасовски појасни дека се претресени сите подруми во околината на центарот, се сослушани сите сведоци, прегледани се снимките од 50 камери, се претресува коритото на реката Вардар, манастирите и дека истрагата продолжува.

За потсетување, Вања исчезна на 27 ноември во Скопје, на пат кон училиште, а сега цел регион ја бара.

По барање на МВР, распишана е меѓународна потерница од Интерпол. Министерството за внатрешни работи распишало жолта потерница до Интерпол, што значи дека таква информација добиле сите полициски припадници на Интерпол, во случај таа повеќе да не е на територијата на Република Македонија.

Жолто известување е глобален полициски извештај за исчезнати лица. Објавен е за жртви на напуштање на семејството, киднапирање и ненадејно исчезнување. Нејзината фотографија ги преплави социјалните мрежи и во Македонија и во регионот.

Информациите за нејзиното исчезнување беа објавени на платформата „FoundMe, која е систем за рано предупредување. Системот е воспоставен од невладината организација Новинари за човекови права и е пилот проект во соработка со Министерството за внатрешни работи и други надлежни институции.