ПРОТЕЧЕ МРАЧЕН ИЗВЕШТАЈ ОД АМЕРИКАНСКИТЕ РАЗУЗНАВАЧИ – “Ништо не помага…“ – дали клучната цел на Украина пропаѓа !?

Американската разузнавачка заедница проценува дека украинската Армија нема да стигне до клучниот југоисточен град Мелитопол во својата контраофанзива, пишува угледниот весник The Washington Post, повикувајќи се на свои извори.

Ако тие не успеат да ги иселат руските трупи од Мелитопол, тоа ќе значи дека Украина доживеа голем неуспех, бидејќи заземањето на Мелитопол беше една од клучните цели на летната контраофанзива.

Имено, со ослободувањето на тој град, Украина би избила на окупираниот брег на Азовското Море, пробивајќи го копнениот мост што ја поврзува Русија со полуостровот Крим.

Мрачната проценка на американските разузнавачи се заснова на импресивната вештина што ја покажаа руските сили во одбраната на окупираната територија на југот на Украина. Американски, западни и украински претставници кои се согласија да разговараат за чувствителни воени операции и го сторија тоа под услов да останат анонимни, а директорот на националното разузнавање одбил да ја коментира содржината на споменатата проценка за развојот на украинската контраофанзива на југот на земјата, пишува The Washington Post.

Мелитопол е клучен за украинската контраофанзива бидејќи се смета за порта на Крим. Градот се наоѓа на раскрсницата на два важни автопати и железници кои и дозволуваат на Русија да транспортира воени сили, опрема и воен материјал меѓу Крим и другите окупирани области во јужна Украина.

Украина ја започна својата контраофанзива на почетокот на јуни, надевајќи се дека ќе го повтори својот неверојатен успех кога минатата есен со удар на гром ослободи големи делови од регионот Харков.

Но, летната контраофанзива започна лошо. Веќе во првата недела од борбите, Украина претрпе големи загуби против добро подготвената руска одбрана, и покрај тоа што ја искористи целата сила на западното оружје, вклучувајќи ги американските борбени возила Bradley, германските тенкови  Leopard 2 и специјализираните возила за расчистување мини.

„Заедничките воени вежби што ги изведоа американските, британските и украинските сили предвидуваа големи загуби, но предвидуваа и дека овие загуби ќе бидат цената што Киев требаше да ја плати за да ги пробие руските одбранбени линии“, нагласија западните претставници во коментар за весникот.

„Патот до Мелитопол е исклучително предизвикувачки, па дури и враќањето на градовите многу поблиску до линијата на фронтот, како што е Токмак, ќе биде тешко“, вели воениот аналитичар Роб Ли.

„Русија има три главни одбранбени линии во таа зона, а потоа и утврдени градови. Не е прашање дали Украина може да пробие една или две линии, туку дали тие ќе можат да ги пробијат сите три линии на руската одбрана и потоа да имаат доволно сила да постигнат воени цели кои би биле позначајни од заземањето мал град како Томак“, нагласува Роб Ли.

Некои републиканци и демократи од Капитол Хил веќе се запознаени со оваа мрачна разузнавачка проценка. Некои републиканци сега го отфрлаат барањето на претседателот Џо Бајден за дополнителни 20,6 милијарди долари помош за Украина, наведувајќи ги скромните резултати од украинската офанзива.

Украинскиот министер за надворешни работи Дмитро Кулеба во четвртокот го призна бавното темпо на контраофанзивата, но нагласи дека Украина нема да престане да се бори додека не ја ослободи последната педа од својата земја.

„Не ни е грижа колку долго (војната) ќе трае“, нагласува тој.