Путин ја постави својата внука за Заменик министер за одбрана! Големи промени во Кремљ: Ана има важна задача, пристигна синот на поранешниот Премиер (фото)

Ана Цивилева со указ на рускиот претседател Владимир Путин е именувана за заменик министер за одбрана!

Цивилева, за која руските опозициски медиуми неофицијално тврдат дека е внука на Путин, е сопруга на Сергеј Цивилев, кој до неодамна раководеше со Министерството за енергетика додека претходно беше гувернер на областа Кемерово. Досега таа раководеше со државниот фонд „Бранители на татковината“ за поддршка на учесниците во војната со Украина.

Цивилева на новата функција ќе биде одговорна за организирање социјална и станбена поддршка на армијата, информираат од Министерството за одбрана.

Путин ги назначи и Леонид Горнин и Павел Фрадков на позициите заменик-министер за одбрана.

Горнин претходно беше прв заменик министер за финансии, додека во Министерството за одбрана ќе ги надгледува прашањата за финансиска поддршка на вооружените сили – вклучително и зголемување на транспарентноста на паричните текови и следење на ефикасното користење на буџетските средства.

Павел Фрадков, најмладиот син на Михаил Фрадков, поранешен премиер и поранешен шеф на Службата за надворешно разузнавање, беше прв заменик директор за претседателски прашања пред неговото назначување на новата функција. Тој сега ќе биде задолжен за управување со имот и земјиште и изградба на објекти за потребите на Министерството за одбрана и националната економија.

Во исто време, Путин отпушти четири лица од тимот на поранешниот шеф на одделот Сергеј Шојгу.

Рускиот претседател, да потсетиме, неодамна ги објави двата услови за почеток на преговорите со Украина. Путин вели дека Украина мора прво да ги повлече своите трупи од „сите нови региони“ на Русија за да започне преговори.