Расте бројот на загинати во рускиот напад во Харков

Најмалку 12 лица загинаа, а повеќе од 40 се повредени откако руски напад погоди продавница во Харков, според официјални лица.

Покрај бројот на загинати, Регионалното обвинителство во Харков соопшти дека бројот на повредени се искачи на најмалку 43.

Според официјални лица, во моментот кога се случил нападот, во зградата имало околу 200 луѓе.

„Сирената за воздушен напад се вклучи и некои луѓе успеаја да излезат од зградата, околу 100 луѓе. Сепак, во зградата сè уште имаше луѓе“, рече шефот на регионалната воена управа во Харков, Олех Синиехубов.

„Специјализирани служби се на терен. Се нуди помош на сите повредени“, рече Синиехубов, додавајќи дека „во близина нема ниту еден воен објект“.

Во меѓувреме, најмалку две лица загинаа, а најмалку 10 се повредени како резултат на украински контранапад врз руско село во Белгородската област, објави регионалниот гувернер Вјачеслав Гладков.