Редовното консумирање на овие овошја и зеленчуци ќе го подобри здравјето на вашето срце
Здравјето на срцето е од клучно значење за целосното функционирање на организмот, а редовното консумирање на повеќе видови овошје и зеленчук може да го намали ризикот од срцеви заболувања, висок крвен притисок и висок холестерол.
Исхраната богата со растителни влакна, антиоксиданси, витамини и минерали помага во одржување на оптималното здравје на срцето. Ако сакате да го подобрите здравјето на срцето, корисно е да консумирате одредени намирници кои ќе ја подобрат функцијата на срцето и крвните садови, ќе го намалат воспалението и ќе помогнат во одржувањето на здрав крвен притисок.
Бобинки како боровинки, малини и јагоди се богати со антиоксиданси кои помагаат да се намали воспалението во телото. Флавоноидите се корисни за здравјето на срцето бидејќи ја подобруваат функцијата на крвните садови и го намалуваат крвниот притисок. Исто така, бобинки содржат големи количини на влакна, кои помагаат во одржување на здрави нивоа на холестерол и шеќер во крвта.
Најдобар начин за консумирање бобинки е преку смути и како додаток на житарки, јогурти или овошје.
Покрај тоа, авокадото е богато со здрави мононезаситени масти кои помагаат да се намали лошиот холестерол и да се зголеми добриот холестерол. Авокадото е богато со калиум, кој помага во одржување на здрав крвен притисок и е одличен извор на влакна, кои го подобруваат варењето и здравјето на срцето. Корисно е да го додадете во салати, да го користите како намаз или да го додадете во смути.
Јаболката се богати и со растителни влакна, особено со пектин, кој помага да се намали лошиот холестерол во крвта. Тие се добар извор на витамин Ц и антиоксиданси кои ја подобруваат функцијата на срцето и крвните садови. Јадењето јаболка може да го намали ризикот од срцеви заболувања и да помогне во одржување на здрава телесна тежина.
Зелениот лиснат зеленчук како спанаќот, кељот, блитвата и магдоносот се богати со витамини, минерали и растителни влакна кои имаат силен ефект врз здравјето на срцето. Оваа храна содржи високо ниво на магнезиум, калиум и фолна киселина, кои помагаат во одржување на здрав крвен притисок и ја подобруваат функцијата на крвните садови.
Доматите се природен извор на ликопен, моќен антиоксиданс кој помага да се намали воспалението и да се заштити срцето. Содржи витамин Ц, калиум и влакна, кои се неопходни за одржување на здравјето на срцето, намалување на крвниот притисок и контрола на холестеролот.
Брокулата е богата со влакна, витамини и минерали кои го подобруваат здравјето на срцето. Содржи високо ниво на витамин К, кој помага за здравјето на крвните садови и има антиоксидантни својства кои го намалуваат воспалението и ризикот од хронични заболувања. Исто така, овој зеленчук содржи сулфорафан, кој помага во намалување на крвниот притисок и подобрување на работата на срцето.
