Русија продолжува со дезинформации, лажната приказна за смртта на кралот Чарлс Трети ја пренесоа медиумите кои го поддржуваат Кремљ
Веста која денеска ја објавија руските медиуми дека починал кралот Чарлс Трети, најпрво создаде своевидна конфузија, пишува The Guardian.
На почетокот никој немаше време да провери дали е вистина или да се занимава со детали, но на крајот се утврди дека изворот е од руските медиуми кои се занимаваат исклучиво со дезинформации, пренесува Телеграфи.
Гласината се прошири дури и на каналот Ведомости на Телеграм, кој некогаш се сметаше за почитуван весник во Русија.
‼️Сообщения о смерти Короля Великобритании Карла III – фейк! pic.twitter.com/e9dHgXInV6
— UKinRussia🇬🇧🇷🇺 (@ukinrussia) March 18, 2024
Има дури и слика на Чарлс во церемонија облечен во воена облека, а со натпис: „Кралот Чарлс III е мртов“.
Веста се рашири низ руските веб-страници и телевизија, вклучувајќи го и Readovka, про-Кремљ Телеграмски канал кој има над 2,3 претплатници.
Од друга страна, немаше никакво соопштение од Би-би-си или јавно соопштение од кралската палата.
🇬🇧 We would like to inform you that the news about the death of King Charles III is fake. pic.twitter.com/Ilg2GZn0mo
— UK in Ukraine 🇬🇧🇺🇦 (@UKinUkraine) March 18, 2024
Но, Редовка имала документ од непознато потекло што бил поставен покрај фотографијата на кралот.
„Кралот ненадејно почина вчера вечерта“, се вели во веста објавена денеска, а нема дополнителни информации.
