Руски дипломати протерани од САД! Портпаролот на Стејт департментот: Реципрочна мерка поради одлуката на Москва минатиот месец
Соединетите Американски Држави денеска објавија дека протеруваат двајца руски дипломати, што е реципрочна мерка преземена како одговор на одлуката на Москва минатиот месец да протера двајца Американци.
Стејт департментот возврати на руското неоправдано протерување на двајца дипломати од американската амбасада во Москва, прогласувајќи двајца службеници на руската амбасада во американска персона нон грата, изјави портпаролот на Стејт департментот, пренесува Гласот на Америка.
Русија минатиот месец објави дека протерала двајца американски дипломати поради комуникација со Роберт Шонов, руски државјанин кој некогаш работел во американскиот конзулат во Владивосток.
По претходното намалување на бројот на дипломати, Шонов почна да работи во конзулатот, а САД соопштија дека бил вработен за рутински следење на јавно достапни руски медиуми.
Руските власти го уапсија во август под обвинение дека и’ предал доверливи информации на Украина.
Стејт департментот нема да го толерира рускиот модел на малтретирање на нашите дипломати. Одлуките испраќаат јасна порака дека неприфатливите потези против вработените во нашата амбасада во Москва ќе имаат последици, рече портпаролот.
Руската новинска агенција РИА објави неименуван извор во руското Министерство за надворешни работи кој потврдил дека дипломатите се протерани и оценил дека тоа е неосновано, бидејќи Вашингтон го искористил протерувањето на американските дипломати кои биле „фатени на дело на шпионажа“. Не сме заинтересирани за ескалација, но доколку продолжат ваквите непријателски дејствија, ќе одговориме цврсто и одлучно, изјави изворот.
