САНКЦИИТЕ СЕПАК ДЕЛУВААТ – Џон Кирби тврди: “Русија има намера да испрати делегација во Северна Кореја и да понуди храна во замена за муниција!“
Координаторот за стратешки комуникации на Советот за национална безбедност на Белата куќа, Џон Кирби, соопшти дека Русија има намера да испрати делегација во Северна Кореја за да набави муниција во замена за храна.
„Имаме нови информации дека Русија активно бара да набави дополнително оружје од Северна Кореја. Тие, исто така, имаат намера да испратат делегација во таа земја за да им понуди храна во замена за муниција“, изјави Кирби, обајви CNN.
„САД имаат нови информации дека Русија активно бара да набави оружје од Северна Кореја во замена за помош во храна“, објави Белата куќа.
Американскиот министер за финансии Џенет Јелен кажа дека Русија, која изгубила повеќе од 9.000 парчиња тешка воена опрема од почетокот на војната во Украина, се свртува кон добавувачи како Иран и Северна Кореја поради мултилатералните санкции.
Министерството за финансии на САД воведе санкции против словачки државјанин поради обидот да организира продажба на повеќе од дваесет видови севернокорејско оружје и муниција на Русија.
Ашот Мкртичев беше санкциониран поради обид за увоз или извоз на оружје (или сроден материјал) од Северна Кореја во Русија за да помогне во снабдувањето на Москва со оружје за време на војната во Украина.
Министерството за финансии на САД соопшти дека од крајот на 2022 година и почетокот на 2023 година, Мкртичев соработувал со севернокорејските власти за набавка на повеќе од дваесетина видови оружје и муниција за Русија во замена за материјали кои се движат од комерцијални авиони, суровини и стоки што ќе бидат испратени во Северна Кореја.
