Тинејџер направи 44 згибови и го собори Гинисовиот рекорд: Збунети? Погледнете го видеото и сè ќе ви биде јасно
Григор Манукјан (18) од Ерменија стана сопственик на нов Гинисов рекорд, бидејќи направи 44 згибови.
Збунети? Разбираме, но работите стануваат јасни кога ќе го погледнете видеото и ќе сфатите што направил.
Мускулестиот тинејџер се држеше за шипка која беше прикачена на два камиони во движење и на тој начин изведе тежок подвиг.
Тој го собори рекордот на Италијанецот Тази Гавиоли, кој направи 35 згибови во 2022 година, објави UPI.com.
„Задачата не беше тешка благодарение на ригорозниот тренинг“, вели младиот човек.
Григор додаде дека се подготвува за нов подвиг, кој вклучува правење згибови во авион!
За успешно да ја реализира својата идеја, камионот мораше да одржува брзина од 4,9 km/h.
