„ТОА ЗНААТ САМО ТИЕ ШТО СПИЕЛЕ СО НЕГО“ Викторија се уште е БЕСНА за љубовницата на Бекам
Откако минатата година беше објавен документарниот филм „Бекам“ на Нетфликс , сите се прашуваа каде е и што прави Ребека Лус , некогаш најомразената жена во Велика Британија .
Во средината на 2004 година, Лус го предизвика еден од најголемите медиумски скандали, кога призна дека имала афера со оженетиот фудбалер Дејвид Бекам за време на неговиот престој во Шпанија. Деталите за аферата ги раскажала за таблоидот News Of The World, а за тоа наводно добила голема сума пари. Таа не застана на признанието, туку покажа и копии од експлицитните пораки кои наводно ги разменила со тогашниот играч на Реал Мадрид, чиј личен асистент била.
Овој скандал за малку ќе го уништи угледот на Бекам, кој во јавноста беше познат како примерен сопруг на пејачката Викторија Бекам и татко на тогашните два сина Бруклин и Ромео. Додека некои сметаа дека Лус само сака да заработи од името на Дејвид, други го осудија некогаш саканиот фудбалер. Сепак, Лус цврсто се држеше до својата приказна, па дури беше подготвена да ја однесе аферата на суд. Таа тогаш за медиумите изјави дека на неговото тело има детаљ за кој знаат само оние жени кои биле интимни со фудбалерот.
Посрамената Викторија потоа останала со своите деца во Обединетото Кралство, а многу брзо ги спакувала куферите и со децата заминала во Америка. Сега таа откри како ова бил еден од најтешките периоди во нејзиниот живот и дека изгледал како целиот свет да е против нив.
„До Мадрид понекогаш изгледаше како да сме против сите, секогаш бевме тим. Но, кога бевме во Шпанија, навистина не изгледаше како да се имаме еден со друг. И тоа е тажно. Не можам да ви кажам колку е тешко беше и како тоа влијаеше на мене, тоа беше кошмар“, признала таа.
Бекам во текот на целиот скандал ги негираше обвинувањата , а до ден денес не ги потврди гласините. Со текот на времето, парот ги остави своите несогласувања зад себе и многу брзо добија уште две деца, синот Круз и ќерката Харпер.
Не се знае многу за животот на Ребека денес, а таа по секоја цена го избегнува медиумското внимание. Таа на социјалните мрежи споделува само ретки моменти од својот живот во Норвешка каде работи како инструкторка по јога.
Се чини дека Лус го оставила зад себе бурното минато и живее мирен живот со сопругот и децата.
