Трамп со смели зборови го објави договорот за Газа: Доаѓа договор за „вечен мир на Блискиот Исток“

Претседателот на САД, Доналд Трамп, се појави во Белата куќа по средбата со израелскиот премиер Бенјамин Нетанјаху и изјави дека е „блиску до постигнување мировен договор за Блискиот Исток“.

„Денес е голем ден, можеби еден од најголемите денови во историјата на цивилизацијата. Да го наречеме вечен мир на Блискиот Исток“, рече Трамп, додавајќи дека голем број европски лидери го повикале за да проверат дали е навистина блиску до она што го нарече „најневеројатното достигнување досега“.

Трамп нагласи дека договорот, доколку биде прифатен, ќе донесе „веднаш крај на војната во Газа, враќање на заложниците и телата на загинатите и почеток на нова ера на безбедност и просперитет“. Тој посочи дека планот е сложен, бидејќи станува збор за конфликт што трае „2.000 до 3.000 години“ и додаде: „Доколку беше едноставен, ќе беше решен одамна“.

Во својот говор, тој рече дека „сите арапски и муслимански земји“ се вклучени во процесот, а конкретно ги спомена Саудиска Арабија, Катар, ОАЕ, Египет, Пакистан и Јордан. Тој го опиша турскиот претседател Реџеп Таип Ердоган како „пријател, силен човек, но добар човек“.

Трамп му се заблагодари на Нетанјаху за прифаќањето на планот, но јасно стави до знаење дека конечната одлука е на Хамас.

„Слушнав дека и Хамас сака да го заврши ова. Тие се единствените што сè уште мора да се согласат. Ако одбијат, Нетанјаху ја има мојата целосна поддршка да направи што е потребно“, рече тој.

Тој додаде дека „заканата од Хамас ќе биде уништена“, а како дел од планот е предвидено:

• брза демилитаризација на Газа со вклучување на арапските и муслиманските земји,
• уништување на тунелите и производствените погони на Хамас,
• обука на локалните полициски сили,
• фазно повлекување на израелската армија,
• Трамп нагласи дека „светот е многу, многу блиску до минимум, а всушност верувам дека веќе сме подалеку од тоа“,
• Трамп постојано нагласуваше дека 7 октомври, нападот на Хамас врз Израел, не може да се заборави, велејќи: „Не смееме да го заборавиме тој ден, илјадници ја платија цената. Но, сега е време да се запре смртта и уништувањето и да се свртиме кон мирот“,
• Посебно внимание привлече изјавата на Трамп дека ќе го предводи преодниот „Комитет за мир“ што треба да ја надгледува реконструкцијата на Газа по војната. „Не го побарав тоа, верувајте ми, многу сум зафатен, но лидерите на арапскиот свет, Израел и сите вклучени ме замолија да ја преземам таа улога“, рече тој.
• Трамп рече дека разговарал со „толку многу земји“ за предлогот, додавајќи дека „сите се многу вклучени“ и свесни дека ова е пресвртница.