Три дена пред гласањето ВМРО ќе предложи нови имиња во техничката Влада, но нема да го поддржат Џафер за премиер

Македонија на 28 јануари ќе има нов премиер и техничка влада. Технички премиер ќе биде Талат Џафери, според договорот меѓу СДСМ и ДУИ, во последните 100 дена од овој владин состав премиерот треба да биде Албанец. Улогата на техничката влада ќе биде да организира фер и демократски избори кои ќе се одржат на 8 мај, заедно со вториот круг од претседателските избори. Иако пред неколку дена СДСМ ги објави имињата на нивните кандидати, ВМРО-ДПМНЕ се уште нема донесено одлука. Имињата се очекува да бидат објавени по 11 јануари.

„На 11 јануари ќе заседаваат извршниот комитет и централниот комитет, ќе разговараме на оваа тема, во наредните денови ќе се знаат имињата“, изјави Христијан Мицкоски, претседател на ВМРО-ДПМНЕ.

Ќе учествуваат во техничката влада но нема да гласаат во Собрание. Мицкоски рече дека Талат Џафери не ја заслужува поддршката од ВМРО-ДПМНЕ.

„Ќе гласате за техничката влада или ова ќе им го препуштите на СДСМ и ДУИ?
– Не, не… Мојот став е јасен, овој став ќе го изнесам пред извршниот и централниот комитет. Талат Џафери не ја заслужува поддршката на ВМРО-ДПМНЕ и ќе се воздржиме од гласање“, додаде Мицкоски.

Талат Џафери во декември минатата година гостувајќи на КликПлус на ТВ21 во врска со приговорите да биде премиер во последните 100 дена од владата рече дека слични реакции имало и кога бил предложен за министер за одбрана во Владата на ВМРО-ДПМНЕ, на чело со Никола Груевски, додавајќи дека реакции имало и кога тој бил предложен за претседател на Собранието.

„ВМРО ја голтна 2013 година за Талат Џафери да биде министер за одбрана во Владата на Никола Груевски предводена од ова ВМРО“, изјави Талат Џафери, претседател на Собранието.

Што се однесува до СДСМ, веќе се објавени нивните предлози за министри и заменици министри во техничката влада. Митко Бојмачалиев, актуелниот шеф на кабинетот на министерот Оливер Спасовски е избран за дополнителен заменик министер за внатрешни работи, Славица Герковска е кандидат за вицепремиер за политики и добро владеење, додека кандидатите за вицепремиер за економски и европски прашања се Фатмир Битиќи и Бојан Маричиќ.

Централниот одбор на СДСМ ги избра досегашните министри за култура, животна средина, земјоделство, шумарство и водостопанство, за транспорт и врски, заштита, односно Бисера Костадиновска Стојчевска, Каја Шукова, Лупчо Николовски, Благој Бочварски и Славјанка Петровска, за продолжување во нивните позиции дури и во техничката влада.