Убиецот од „Мавровка“ требало да биде в затвор до 2032 година

Лице со дебело криминално досие избегано од затвор уби невин човек само за да го ограби. Осомничениот за убиството кај „Мавровка“, од пребарувањето што го направи „Фокус“, бил осудуван неколкупати и в затвор требало да биде вкупно 14 години. Обивал автомобили, ограбувал куќи, тепал, а семејството од каде што потекнува е добро познато во полициските кругови. Но, наместо в затвор, тој бил на слобода, па за да дојде до пари, уби невин човек. Затворите остануваат хотел „промаја“, но не само за време на претходната власт, туку и сега.