“УКРАИНА ПОВЕЌЕ НЕ ПОСТОИ! ТАА ИСЧЕЗНА ОД МАПАТА“ – Поранешниот претседател на Русија не бираше зборови: “Нема враќање на границите од 1991 година“

„Веќе нема земја Украина, таа постоеше кратко време и сега исчезна од светската мапа“, истакна денес заменик-претседателот на Советот за безбедност на Русија, Дмитриј Медведев.

„Украинската хунта цело време вели дека условите за преговори се враќање на некакви граници од 1991 година. Тоа се границите на регионите на Русија и поранешните гувернери на Руската империја, а не митската Украина. Украина е земја на Саников основана од Ленин“, напиша тој во објава на социјалната мрежа Телеграм, алудирајќи на митската земја што морнарите на почетокот на 19 век наводно ја виделе во Арктичкиот океан, но чие постоење всушност никогаш не било потврдено.

„Украина постоеше кратко, а потоа исчезна од светската мапа. Не постои таква земја, без разлика што мислите на Запад или во окупираниот руски град Киев“, заклучи поранешниот претседател на Русија и на овој начин еднаш повторно одговори на барањата на Киев, кои, меѓу другото, вклучуваат враќање на границите од 1991 година, кога се распадна СССР.

Заедно со објавата, Димитриј Медведев вклучи и инсерт од филмот „Земја Саников“, советска продукција, снимен во 1974 година, кој како тема имаше митски остров на Арктикот наречен Земја Саников.

За потсетување, вчера The Washington Post објави дека директорот на ЦИА, Вилијам Џеј Барнс бил тајно во Украина на почетокот на овој месец, кога украинските власти му откриле амбициозна стратегија за повторно преземање на териториите кои решиле да се обединат со Русија на референдуми и отворени преговори за прекин на огнот со Москва до крајот на годината.