Урнебесните изрази на лицето на Џорџ Буш на инаугурацијата на Трамп ги преплавија мрежите: Милиони луѓе врескаа од смеа, а зборуваше и неговата ќерка (фото/видео)

Џорџ Буш, поранешниот претседател на Соединетите Американски Држави, го привлече вниманието на јавноста со изразите на лицето за време на инаугурацијата на Доналд Трамп. Неговите реакции брзо се проширија на социјалните мрежи, а корисниците на TikTok и платформата X ги претворија во таканаречени ,,мемиња” кои насмеаја милиони луѓе ширум светот.

Многу корисници на Х и ТикТок споделуваат клипови и фотографии од изразите на лицето на Џорџ В. Буш со духовити коментари како што се: „Џорџ В. Буш на инаугурацијата – тоа сум јас кога ќе ја видам келнерката како ми ја носи храната“, „Не се грижи што ќе каже некој, 
ги сакам Џорџ В. Буш и неговиот 10-годишен дух на божиќен концерт“, 
„Џорџ В. Буш застана во продавница за слатки пред неговата инаугурација и изеде премногу“.

Се огласи и неговата ќерка

Ќерката на Џорџ Буш, Џена Буш Хагер (43), изјави дека смешните реакции на нејзиниот татко за време на инаугурацијата на Доналд Трамп предизвикале вистинска бура во групната преписка на семејството.

„Да, татко ми стана вирален поради тие моменти за време на емитувањето. Интернетот е опседнат со неговата мала насмевка и смешни изрази на лицето“, додаде таа. Таа исто така се пошегува дека нејзиниот татко не е виновен за неговото однесување затоа што „седел покрај лошо влијание“, односно Барак Обама.

„Кога се заедно, стануваат необични пријатели“, додала Џена.