Филипче: Владата прво потпишува договор, а потоа нè информира за каматата и трошоците
Лидерот на СДСМ, Венко Филипче, повторно ја критикуваше владата за недостатокот на транспарентност во врска со кредитот добиен од Велика Британија.
„Да се задолжи земјата со 6 милијарди евра, а да не се каже какви се условите за кредитот, каква е каматната стапка, какви се роковите не е нормално“, рече лидерот на СДСМ, Венко Филипче, на состанокот со членството во Гостивар.
Тој вели дека Владата прво потпишува договор, а потоа нè информира за каматата и трошоците.
„Владата прво потпишува договор, потоа нè информира за каматата и трошоците, а сето ова е скриено зад стратешки договор со Велика Британија. Ја слушнав министерката за финансии како вели дека британските компании ќе работат, но се збуни и потоа рече дека Законот за јавни набавки, го проверивме, не е таков“, рече Филипче.
Филипче оценува дека целиот овој процес ја оддалечува земјата од патот кон Европската Унија.
„Позајмуваме големи суми пари, додека процесот на интеграција во ЕУ е блокиран. За вакви проекти како што најавуваат, ЕУ нуди грантови. Зошто таков заем што ќе ги оптоварува идните генерации, кога можеме да добиеме грантови и многу поповолни услови“, праша Филипче.
