ФИФА ГО ЕЛИМИНИРА БРАЗИЛ !? “Земјотрес“ во светот на фудбалот: Се очекува брутална казна и суспензија ?

Се подготвува „земјотрес“ во светот на фудбалот, ФИФА ја предупреди Бразилската фудбалска конфедерација (ЦБФ) на можна строга казна за мешање во политиката во спортот.

Челниците на Меѓународната фудбалска федерација изразија загриженост за изборот во врвот на ЦБФ и можното заминување на Едналдо Родригез од позицијата прв човек. ФИФА смета дека смената на Едналдо Родригез на оваа позиција е неоснована и се закани со санкции, вклучително и суспензија од меѓународните натпреварувања.

„Ова исто така ќе значи дека функционерите, тимовите и клубовите на ЦБФ повеќе нема да можат да учествуваат на меѓународни натпреварувања, се додека е на сила суспензијата“, се наведува во отвореното писмо до ФИФА.

Затоа, ФИФА би можела да го елиминира Бразил од светот на фудбалот поради мешањето на претседателот на државата во изборот за претседател на локалната фудбалска федерација, а ситуацијата почна да се комплицира на 7. декември, кога судот во Рио де Жанеиро го лиши Едналдо Родригез од функцијата претседател на ЦФБ. ФИФА оваа одлука ја смета за прекршување на сопствената повелба за немешање на државните органи.

Изборите се закажани за јануари следната година, а челниците на Светската фудбалска организација ќе испратат свои луѓе на терен. Делегатите на ФИФА ќе пристигнат во Бразил на 8. јануари и доколку однапред се одржат избори за нов претседател на фудбалската федерација, следуваат казни.