ФОТО | ОВА СЕ ОСОМНИЧЕНИТЕ ЗА УБИСТВОТО НА ВАЊА ЃОРЧЕВСКА – Едниот признал се, а Љупчо Палевски – Палчо избегал

Трагично заврши потрагата по исчезнатата Вања Ѓорчевска! Македонија тагува, Македонија е обвиена во црно.

Министерот за внатрешни работи, Оливер Спасовски, на прес-конференцијата откри дека убиената Вања Ѓорчевска е погребана во околината на Скопје. Но информацијата што ја тргона јавноста е дека нејзиниот татко бил вмешан во киднапирањето на девојчето.

Грозоморното убиство на Вања Ѓорчевска, која исчезна на 27. ноември (понеделник) на пат кон училиште не е директно поврзано со убиството на фризерот Панчо Жежевски (74 г.) од Велес.

„Министерството за внатрешни работи во координација и под раководство на државното обвинителство синоќа го расветли случајот, обезбедени се докази. Исходот не е каков што сите сакавме, но за жал беа убиени две лица, малолетно лице и еден постар човек – едното во околината на Скопје, другото во околината на Велес“, изјави министерот Оливер Спасовски.

„Во врска со овие два случаи осомничени се пет лица. Три лица се во притвор, едно е во странство, а петтото лице, таткото на малолетничката е приведено. Спроведовме истрага, а ќе бидат преземени мерки по наредба на Обвинителството. Мотивот е личен интерес, при што едно од лицата во договор и со знаење на член на семејството го организирало извршувањето на кривичното дело со цел да изнуди пари од мајката. Сите инволвирани сакаа да имаат материјална корист“, кажа Оливер Спасовски.

Тој откри и дека го зеле возилото на убиениот фризер од Велес, а потоа го убиле, а со тоа возило е киднапирана и 14-годишната Вања Ѓорчевска.

Поради нерасчистени односи со еден од осомничените, возилото му е одземено, а потоа опожарено. Со тоа возило малолетничката била грабната откако излегла од нејзиниот дом, а според изјавите на осомничените, таткото претходно го известил организаторот дека девојката сама излегла од куќата.

Главен организатор бил Љупчо Палевски – Палчо – контраверзен лик кој и е познат на јавноста, а кој избегал.

„Главниот организатор и извршител на убиството, кој на 27. ноември околу 10 часот со огнено оружје уби малолетничак во страв од докази до кои може да дојде МВР, го стори тоа кривично дело. Ќе направам се ова чудовиште да го изведам пред лицето на правдата штом стапне на наша почва“, посочи Оливер Спасовски.

На прес-конференцијата зборуваше и главниот државен обвинител Гаврил Бубевски, кој кажа дека тројца од петмината осомничени го признале делото и кажале кој за што е одговорен.

„Во просториите на државното обвинителство се три од пет лица кои се осомничени дека сториле кривични дела, имаме признание кој за што одговара“, посочи главниот државен обвинител.

„Лицата извршиле две кривични дела – разбојништво во врска со личен интерес и убиство. На сите обвинети им е одреден 48-часовен притвор. По петтоосомничениот кој е во бегство ќе биде распишана меѓународна потерница“, вели Гаврил Бубевски.

Исчезнувањето на малото девојче ја потресе не само Македонија туку и целиот регион. Одделенскиот раководител ја известил мајката на Вања Ѓорчевска дека таа не се појавила на училиште во понеделникот (27. ноември) по што е започната потрагата.

Таа веднаш ги алармирала сите надлежни служби, велејќи дека Вања Ѓорчевска расположена го напуштила домот и дека не се жалела на проблеми. Потрагата се прошири во целиот регион, дури и Интерпол распиша потерница.

За жал, нејзиното тело е пронајдено во близина на Скопска Црна Гора, на периферијата на главниот град на Македонија. Девојчето било убиено, како што соопшти денеска МВР, околу 10 часот, а од домот излегло во 7 часот и 25 минути.

Вања Ѓорчевска и Панче Жежовски не се познавале, ниту пак се сретнале во животот. Телото на човекот од Велес било пронајдено во Велес, но убиството го извршиле истите лица со ист мотив – личен интерес.

Како што веќе пишувавме, главниот осомничен Љупчо Палевски работел во градежништвото, а неодамна е приведен во Хрватска. По убиството тој побегнал во Белград, Србија по што со неговиот адвокат се упатил во Бугарија.

Тројцата осомничени на кои им е одредена мерка притвор од 48 часа се Велибор Манев, Влатко Кешишов и Боре Видевски.

Палчо и Велибор Манев имаат заеднички фотографии на социјалните мрежи. Бегалецот и убиец Љупчо Палевски е член на десничарската проруска партија во Македонија. Тој имаше и свој подкаст.