ФОТО | “ТАА Е СИМБОЛ НА ОТПОРОТ!“ – Сопруга на познат украински политичар се појави на насловната страница на PlayBoy – погледнете што и направиле Русите!
Сопругата на украинскиот политичар кој преживеа наводен обид за атентат сега е лицето на насловната страница на првиот број на PlayBoy што ќе се печати во земјата по избувнувањето на војната. Така може да се види Ирина Билоцерковец како позира во метални бикини со фластер за очи на насловната страница.
Манекенката и ТВ водителка, чиј сопруг е помошник на градоначалникот на Киев, Виталиј Кличко, беше подложена на неколкумесечно итно лекување и операција откако беше жртва на вооружен напад додека беше со своите деца, само три дена по руската инвазија на Украина која започна во февруари минатата година. Оттогаш, таа стана симбол на отпорот во Украина.
Таа била лекувана во болница во Берлин, а за PlayBoy открила како се чувствувала кога прв пат се видела во огледало по реконструкција на лицето.
„Ми недостига око, цвеќиња беа испратени од секаде, косата ми беше избричена по операцијата. Конци, лузни, рани насекаде… Бев како чудовиштето на Франкенштајн. Вилицата ми пукна како гранче. Ја немам убавината на лицето веќе, но остатокот од моето тело е убаво“, изјави Ирина Билоцерковец.
Таа се возела дома низ богата киевска населба со нејзините три деца кога била погодена од куршуми. Морала да направи четири операции, а останала, како што самата изјавила, без око, скршена вилица и многу лузни по телото.
„Не беше прашање да ја зачувам мојата убавина, прашање беше дали ќе преживеам или не. Докторите во Украина рекоа дека најверојатно ќе умрам. Не се согласував со тоа“, се сеќава таа во интервју за магазинот.
Украинското издание на PlayBoy објави официјално соопштение во кое тврди дека Ирина Билоцерковец е хероината што ја претставиле во изданието „Жените остануваат силни“, кое се занимава со издржливоста на Украинките кои биле повредени за време на војната, но кои не ја губат волјата за живот.
Откако започна инвазијата на Украина минатата година, изданието на PlayBoy таму беше објавено само на Интернет, а ова е прва печатена верзија по повеќе од 18 месеци.
