ФОТО | ТОТАЛНА МОБИЛИЗАЦИЈА – Александар Вучиќ го копира моделот на Слободан Милошевиќ: Сака да собере 140.000 луѓе на својот мега митинг, инструкциите се страшни…
Александар Вучиќ и неговата партија СНС спроведуваат општа мобилизација низ цела Србија.
Мобилизацијата се спроведува преку медиумите и партиските ограноци лојални на нив, се со цел Александар Вучиќ да се обрати до најголем број луѓе во историјата на Србија на протестот „Србија – надеж“ во Белград на 26. мај, како што беше најавено од неговите промотори.
Со денови во Србија се крева огромна хистерија поради тој настан. Медиумите на Александар Вучиќ на своите портали секојдневно ги одбројуваат деновите до митингот и безмилосно ги напаѓаат опозициските собири организирани од опозицијата во Белград во последните недели.
Учесниците на тие собири се етикетирани како платеници, уништувачи на државата, криминалци, алкохоличари… кои како такви сакаат да го уништат животот во Белград и Србија. И што е најважно, бројот на учесници на овие собири секојдневно „се намалува“ за да докажат дека немаат никаква поддршка меѓу народот.
За разлика, се разбира, за Александар Вучиќ е одговорна и активирана локалната партиска машинерија. Во цела Србија граѓаните известуваат дека се под огромен притисок да се појават во Белград на 26. мај. На вработените во јавните служби им се заканува отказ, а други се под постојан притисок.
Како што пренесува Nova.rs, локалните партиски лидери добиле список со луѓе од помалите градови кои мора да дојдат во Белград.
Според собраните податоци, од Врање се очекуваат 3.000 демонстранти, квотата на Врњачка бања е 1.200 луѓе. 2.000 мора да дојдат од Чачак, 2.500 од Краљево, а 9.000 од Крагуевац. Од Нови Сад треба да се испратат 15.000 луѓе, од Шабац 7.000, од Ниш 5.000.
Не беа поштедени ниту организациите, дури и српските организации во странство спонзорирани од државата. Така, се најавува доаѓање на околу стотина Срби од кај нас односно Северна Македонија, во организација на невладината организација Српска заедница во Македонија, која се финансира од буџетот на Србија.
Секако, има и Срби од Косово, за кои таблоидите на Александар Вучиќ веќе ја вжештуваат атмосферата. Локалните портали известуваат за група Срби кои веќе од северот на Косово заминале на средбата во Белград и тоа пеш. И се со цел да се соберат планираните и најавени 140.000 луѓе пред Александар Вучиќ.
Сето ова неодоливо потсетува на испробаниот модел во Србија кој Слободан Милошевиќ го устоличи од крајот на 80-тите години на минатиот век. Со оглед на тоа што Александар Вучиќ е негов ученик и поранешен министер за информации, не е ни чудо што актуелниот претседател го применува моделот ‘copy paste’ на својот ментор.
