Хрватска погодена од бури, на некои места паѓа град со големина до пет сантиметри

Делови од Хрватска беа погодени од пороен дожд што предизвика поплави, а на некои места град со големина и до пет сантиметри.

Град паѓал во близина на Карловац и Лошињ, додека големо количество дожд наврнало на Цреш, јавуваат хрватските медиуми .

Над Риека се појавија големи црни облаци, со дожд, грмотевици, молњи и силен ветер.

Петра Микуш Јурковиќ од Хидрометеоролошкиот завод изјави дека промената на времето доаѓа во два брана, од кои првиот започнува вечерва, а вториот во понеделник, 28 јули, и предупреди на можноста за поплави.

Државниот хидрометеоролошки завод издаде црвено предупредување за регионот на Загреб и Карловац за денес, а за Риека навечер.

Портокалово предупредување е издадено за остатокот од земјата.