Црвен крст собра 54 милиони денари за семејствата на загинатите во трагедијата во Кочани!
Преку Црвениот крст се собрани 54 милиони денари за семејствата на загинатите во кочанската трагедија, според она што денеска го соопшти генералниот секретар на оваа меѓународна хуманитарна асоцијација Саит Саити.
Понатаму рече дека е одлучено секое семејство да добие по 150 илјади денари како почетна помош. Сахити изјави дека парите досега се собирале од граѓани од Македонија и од странство, фирми, локални самоуправи и државни институции, но како што рече имињата ќе бидат објавени по завршувањето на донаторската акција која ќе трае уште десетина дена.
„Треба да имате предвид дека организацијата на Црвениот крст мора да ги почитува сите закони што го регулираат овој дел од работата во нашата земја. Она што го имаме како организација за долгови, би рекол дека во наредниот период сме организирани со нашите тимови, сè уште сме присутни на терен, дури и кога станува збор за прва психо-социјална помош општина Кочани и сите училишта кои гравитираат околу Кочани“, изјави Саит Саити, директор на Црвениот крст за Северна Македонија.
