Човек се обидел да го украде КАМЕНОТ НА СУДБИНАТА, тежок 150 килограми: Задолжителен е на крунисувањето на британските монарси

Австралиец е уапсен и обвинет откако за време на викендот скршил стаклена витрина во која се наоѓал шкотскиот „Камен на судбината“ , историски артефакт што ја симболизира монархијата и националниот идентитет.

Според полициското соопштение, инцидентот се случил во саботата во Музејот во Перт, кога маж облечен во килт удрил и се обидел да го скрши заштитното стакло на витрина во која се наоѓал блок од песочник од 150 килограми.

Тој се изјасни за невин.

Артефактот, кој датира од средниот век, се користел во церемонијата на крунисување на шкотските кралеви во Скун Аби, недалеку од Перт.

Осомничениот, идентификуван како Арно Харикскалде Логан (35) од Сиднеј, вчера се појави пред Прекршочниот суд во Перт.

Тој не се изјасни за виновен и беше притворен до следното рочиште закажано за следната недела.

Полицијата соопшти дека Каменот на судбината не бил оштетен за време на инцидентот.

Во соопштението, музејот потврди дека предметот останал недопрен, благодарение на „сложените безбедносни мерки“ во објектот.

Предмет на бројни контроверзии

Каменот на судбината, патем, е предмет на политички и културни контроверзии со векови.

Кралот Едвард I го однел од Шкотска во Англија во 1296 година, по што бил ставен под крунисувачката столица во Вестминстерската опатија.

Тој остана таму до 1996 година, кога беше вратен во Шкотска со договор дека ќе биде привремено префрлен во Лондон за време на крунисувањето на британските монарси – како што беше направено во 2023 година за време на крунисувањето на кралот Чарлс III .

Инцидентот во Перт е најновиот во низата обиди да се истакне симболичната важност на Каменот за шкотскиот национален идентитет, кој продолжува да буди силни емоции кај делови од јавноста.