,,Чуваше пиштол под перница!” – Поранешната девојка на убиецот од Младеновац сведочеше за времето поминато со Урош: „Се плашев од него“
Во текот на истрагата против Урош Б, кој на 4 мај минатата година уби девет лица и рани 13 од нив во селата Дубона и Мало Орашје, беше сослушанa неговата поранешна партнерка и откри дека осомничениот и претходно покажувал знаци на агресивно однесување.
Сведокот рече дека Уроша Б. го запознала во 2022 година и дека со него била во емотивна врска неколку месеци. Таа на рочиштето во обвинителството зборуваше за нивната врска, како и за тоа што и’ пречело.
Таа истакна дека често одела во неговата куќа во Шепшин, каде, да потсетиме, бил пронајден арсенал оружје што полицијата го конфискувала по страшниот масакр. Својот арсенал оружје Блажиќ го чувал во подрумот каде вежбал гаѓање. Сведокот потврди дека знаела дека во куќата има подрум, но дека никогаш не отишла таму.
„Урош ми рече дека во подрумот има само дрва. Куќата има поткровје, отидов таму, но тој простор не е завршен, се користи како складиште. Во една прилика кога спиев со Урош, видов дека држи пиштол под перницата. Го прашав од каде му е и му реков дека сакам да го остави, на што ми рече дека тоа е негов пиштол и дека има дозвола. Друго оружје не видов во куќата, но Урош ми кажа дека татко му и дедо му имале пушки во куќата, бидејќи биле ловџии“, наведува девојката и истакнува дека повеќе не зборувале за оружје.
Сведокот посочува дека по извесно време видела дека Урош почнал да ја лаже, па решила повторно да му раскине.
„Едно време кога бев кај него дома, зедов некои од моите работи и му реков да ме однесе дома. Додека ме возеше дома, се скаравме бидејќи сфати дека не сакам повеќе да бидам со него. Во еден момент ме исфрли од возилото на сред пат, ми рече да излезам од автомобилот за да не ме удри, беше многу лут. Првпат го видов толку лут, едвај се согласи да ме однесе дома“, раскажува девојката.
Откако раскинале, Урош ја контактирал за Нова Година и Божиќ 2023 година за да и’ честита.
„Му реков да не ми се јавува повеќе. Ми рече дека можам да дојдам и да си ги земам моите работи, но јас реков дека тие работи не ми требаат, бидејќи се плашев дека може да биде поагресивен од ноќта кога раскинавме. Во периодот кога требаше да раскинеме, се случуваше да не сакам да имам односи со Урош, но тој да инсистира и јас да се согласам. Се плашев од него“, рекла девојката.
Како што изјавила, Урош никогаш не ѝ се жалел дека има проблеми со селаните, туку секогаш се величел..
„Немаше потреба ни да се дружи со селаните бидејќи мислеше дека е попосебен од нив затоа што во Белград завршил средно училиште и таму имал пријатели. Во текот на разговорот никогаш не ми се пожали, напротив, се фалеше колку успеал и колку добро заработува. Тој секогаш го сакаше својот пат и никогаш не разбираше некои од моите потреби. Во една прилика дури ме убеди да го напуштам редовното школување и да почнам да живеам со него, но јас не сакав да прифатам“, изјавила поранешната девојка на Урош.
Кривично убиство, недозволено поседување оружје
Да потсетиме, на 4 мај, ден по страшниот масакр во училиштето „Владислав Рибникар“, Урош Б. земал автоматска пушка, пиштол, муниција и бомби и тргнал во крвав поход во селата Мало Орашје, Дубона и Шепшин, во околината на Младеновац. Убил девет лица, а ранил повеќе од 13 лица.
Психијатриското вештачење покажало дека Урош Б. бил целосно разумен во моментот на делото.
При претрес на згради во сопственост на неговото семејство бил пронајден цел арсенал оружје.
Урош Б. се товари за тешко убиство, недозволено изработување, држење, носење и тргување со оружје и распрскувачки материи, киднапирање и неовластено користење туѓо возило.
