“БУРА“ ВО АНГЛИЈА – Сите се сомневаат дека ждрепката од Лига Купот е наместена за Манчестер Јунајтед !?

Голема бура се крена во фудбалската јавност во Англија по ждрепката за осминафиналето од Лига Купот.

Откако беа комплетирани сите осминафинални натпревари, се одржа ждрепката за следното коло од Лига Купот и на многумина им падна во око дека топките повторно му донесоа домашен натпревар на Манчестер Јунајтед.

Во осминафиналето „Црвените ѓаволи“ на свој терен ќе го пречекаат тимот на Њукасл.

Актуелниот шампион во Лига Купот нема играно во ова натпреварување од март 2021 година, ова ќе биде нивна 12-та домашна пресметка.

Многу навивачи почнаа да се сомневаат дека ждрепката е наместена за да може Манчестер Јунајтед полесно да стигне до финалето.

„Не се сомневав дека Манчестер Јунајтед ќе биде домаќин. Тоа веќе стана традиција. Ова е смешно“, напиша еден фудбалски навивач.

„Зошто Манчестер Јунајтед секогаш ги игра своите натпревари во Лига Купот на домашен терен, додека другите клубови често играат на гости ? Почнав да мислам дека турнирот е наместен за да ги направи повторно релевантни“, коментира друг.

Ова се двојките од осминафиналето:

Бурнмаут – Ливерпул

Челзи – Блекбурн

Ексетер – Барнли

Ипсвич – Фулам

Манчестер Јунајтед – Њукасл

Менсфилд – Порт Вејл

Вест Хем – Арсенал