Вучиќ: Претседателски и парламентарни избори во Србија веројатно во Декември 2026
Претседателските и парламентарните избори во Србија веројатно ќе се одржат во декември 2026 година, можеби и порано, изјави вчера претседателот на земјата Александар Вучиќ.
Вучиќ изјави за ТВ Пинк дека му останува точно една и пол година од претседателскиот мандат, но дека верува дека неговиот мандат ќе биде пократок.
„Не сакам да го менувам Уставот, ниту повторно да се кандидирам за претседател“, рече Вучиќ.
Тој се осврна на ситуацијата во Косово и рече дека во следните десет дена ќе бидат отворени 400 работни места во здравството.
Тој најави дека на 11 октомври ќе се одржи прошетка посветена на српскиот народ во Косово.
„Не смееме да паднеме на провокациите на Курти“, рече Вучиќ.
Тој рече дека Србија мора да го забрза својот европски пат и најави дека претседателката на Европската комисија, Урсула фон дер Лајен, наскоро ќе го посети Белград.
