Германија: Немаме повеќе оружје за Украина

Германија ги достигна границите на своите можности во испораката на оружје од својот арсенал во Украина, изјави портпаролот на германското Министерство за одбрана, Мајкл Стампфле.

„Знаете дека Бундесверот веќе и’ испорача оружје на Украина. Сепак, тука е достигната природна граница, бидејќи во новите услови е неопходно да се зајакнат сопствените одбранбени способности на Европа и, во координација со другите земји, да се осигура дека секоја од нив е добро снабдена“, одговори тој на новинарско прашање за можноста за понатамошни испораки на оружје во Украина, слично на резервните системи на „Патриот“.

Тој исто така нагласи дека паралелно со воената поддршка на Украина треба да се размислува и за зајакнување на сопствените одбранбени капацитети и истакна дека германската индустрија придонесува со спроведување на различни проекти во Украина.

По суспензијата на американската воена помош, Украина би можела да остане без муниција во следните неколку месеци, пишува Блумберг.

„Неговите тенкови, ракетни фрлачи и системи за противвоздушна одбрана што ги добија од САД ќе останат без муниција за неколку месеци“, забележува агенцијата.

Блумберг пресметал дека Вашингтон и обезбедил на Украина повеќе од 64 милијарди долари воена помош од февруари 2022 година, вклучително и системи за противвоздушна одбрана Патриот, Химарс, Насамс, тенкови Абрамс и друго оружје.