,,Го поттикнува насилството кај децата:” Албанија го блокира TikTok на една година, одлука на властите во Тирана по 1.300 средби со 65.000 родители

Албанската влада вчера одлучи да го блокира ТикТок на 12 месеци поради содржината што ја објавува и поттикнува насилство и малтретирање, особено меѓу децата.

Министерката за образование Огерта Манастрилиу рече дека службениците се во контакт со ТикТок за инсталирање филтри за родителска контрола, како и за проверка на возраста и вклучување на албанскиот јазик во апликацијата.

Властите одржаа 1.300 состаноци со околу 65.000 родители кои „препорачаа и поддржаа затворање или ограничување на платформата TikTok“, рече министерот.

Албанската влада ја покрена постапката минатата година кога тинејџер избоде до смрт друг тинејџер во ноември по расправија што започна на ТикТок.

Кога албанскиот премиер Еди Рама во декември изјави дека имаат за цел да ја затворат социјалната мрежа, ТикТок побара итно појаснување од албанската влада во врска со случајот со прободувањето на тинејџер.

Рама вчера изјави дека се во позитивен дијалог со компанијата и дека претставниците на TikTok наскоро ќе ја посетат земјата за да понудат „низа мерки за зголемување на безбедноста на децата“.

Компанијата претходно соопшти дека „не нашла докази дека сторителот или жртвата имале профили на TikTok“ и истакна дека бројните извештаи всушност потврдиле дека видеата што доведоа до инцидентот биле објавени на платформа различна од TikTok.