Дали ве болат зглобовите и имате сува кожа? Можеби ви недостасува омега-3

ОМЕГА-3 масните киселини се познати како здрави масти, а нивните моќни антиоксидантни ефекти позитивно влијаат на здравјето на срцето, мозокот и имунолошкиот систем. Но, и покрај нивните придобивки, истражувањата покажуваат дека повеќето луѓе не добиваат доволно омега-3 преку нивната исхрана, дури и оние кои редовно јадат риба.

Ако на вашето тело му недостасува омега-3, може да забележите одредени симптоми. Еве неколку знаци кои укажуваат на недостаток на овие есенцијални масни киселини:

Сува и иритирана кожа

Ако вашата кожа е црвена, ронлива или чувствителна и покрај употребата на навлажнувачи и серуми, можеби ви недостасува омега-3. Овие масни киселини помагаат во одржување на природната заштитна бариера на кожата, спречувајќи ја сувоста и оштетувањето од надворешни фактори.

Тешкотии со концентрирање

Омега-3 се клучни за здравјето на мозокот и нервниот систем. Недостатокот може да предизвика тешкотии со концентрацијата, меморијата и општа ментална јасност. Истражувањата покажаа дека редовното внесување на DHA (вид на омега-3) ја подобрува работната меморија и когнитивната функција, пишува MindBodyGreen.

Лошо расположение

Омега-3 влијае на хормоните на среќата, серотонин и допамин. Нивниот недостаток може да ги влоши симптомите на депресија и анксиозност, додека адекватниот внес може да го подобри расположението и емоционалната стабилност.

Вкочанети зглобови

Болните и вкочанети зглобови можат да бидат резултат на недостаток на омега-3 масни киселини, кои имаат антиинфламаторно и заштитно дејство на зглобовите. Истражувањата покажуваат дека редовното консумирање на овие масти може да го намали воспалението и да ја подобри мобилноста.

Суви и уморни очи

Гледањето во екраните долго време може да ги измори вашите очи, но ако тие се постојано суви и чувствителни, можеби ви недостасува омега-3. DHA и EPA помагаат во одржувањето на здравјето на мрежницата и го штитат окото од оксидативен стрес.

Како да го зголемите внесот на омега-3?

Постојат три главни типа на омега-3: EPA, DHA и ALA. EPA и DHA се најмногу поврзани со здравствени придобивки и се наоѓаат во:

• Масна риба (лосос, скуша, аншоа, сардини)
• Говедско месо

АЛА омега-3 се присутни во растителни извори како што се:

• Лен и чиа семиња
• Јаткасти плодови (особено ореви)
• Тофу