Дали знаете како лебот да ви трае подолго? Следете ги овие совети за да го одржите свеж

Лебот е храна која домаќинствата ја купуваат секојдневно. Тој е важен дел од исхраната на населението, но зголемената количина леб завршува во отпад поради краткиот рок на траење или несоодветното складирање.
Чувањето на леб или други видови печива во одредени контејнери не мора да значи дека ќе ги одржува свежи и дека нема да се исушат. Ви пренесуваме неколку совети споделени од искусни домаќинки и нутриционисти.

Завиткување во крпа

Еден од најдобрите начини да ја зачувате свежината на лебот е да го завиткате во чиста крпа од природни материјали, како лен. Овој метод помага да се одржи рамнотежа помеѓу влажноста и сувоста. Важно е редовно да се мие ткаенината за да се спречи таложење на бактерии и непријатни мириси.

Пластична кеса

Ако користите пластична кеса, лебот ќе остане свеж четири до пет дена. Сепак, за да спречите кондензација на влага во торбата, не заборавајте да направите неколку мали дупки за вентилација. Ова ќе помогне лебот да не стане премногу мек и да ја задржи текстурата.

Хартиена кеса

За оние кои сакаат крцкава кора, хартиена кеса е одличен избор. Овој метод му овозможува на лебот да дише, со што се намалува ризикот од формирање на влага и мувла на лебот.

Избегнувајте кутии за леб

Иако многу луѓе мислат дека кутиите за леб се идеални за складирање, тоа често не е случај. Овие контејнери можат да акумулираат влага што придонесува за побрзо губење на свежината и раст на мувлата. Понекогаш кутиите се затворени премногу цврсто, што дополнително го забрзува процесот на расипување.

Следете ја состојбата на лебот

Доколку забележите дамки од мувла на лебот или пецивата, веднаш фрлете ги. Мувлата може брзо да се шири и да зарази цела храна, често пред да бидат видливи.