Девојка преживеа 24 дена изгубена во шума: Останала само со три работи, ова ѝ го спасило животот! (ВИДЕО)

Тифани Слејтон успеа да преживее 24 дена сама, изгубена и со минимална опрема, движејќи се низ планините Сиера Невада во Калифорнија, откако она што требаше да биде тридневно самостојно кампување се претвори во макотрпен потфат што речиси ѝ го одзеде животот.

Таа се соочила со лоши временски услови, лавина и силен пад, по што се онесвестила и ја повредила ногата, а официјалните лица велат дека е чудо што успеала да преживее.

Пребарувањето траеше со денови

Тифани отпатувала на 20 април за да ги истражи езерата Шејвер и Хантингтон во округот Фресно, но нејзините загрижени родители пријавиле дека е исчезната на 29 април, откако немала никаков одговор од нив девет дена.

Спасувачите започнаа обемна потрага по Тифани од 6 до 10 мај низ Националната шума Сиера, но не пронајдоа никаква трага.

Конечно била пронајдена денот пред нејзиниот 28-ми роденден, на околу 40 милји оддалеченост, во одморалиштето Вермилион Вали. Кога сопственикот на одморалиштето конечно ја пронашол минатата среда, службениците сфатиле дека издржала 13 снежни бури и се искачила на 3.300 метри надморска височина.

Таа имаше само три работи со себе

Таа исто така ослабела 4,5 килограми и останала без шатор, вреќа за спиење и велосипед, само со запалка, нож и неколку грицки.

Сега 28-годишната девојка откри какви мерки презела за да остане жива.

Кратко по почетокот на патувањето, Тифани рекла дека паднала од карпа и не можела да стигне до главната патека поради неодамнешна лавина. Таа тврди дека била во несвест околу два часа и дека морала да ја имобилизира едната нога, а другото колено да го врати на место.

Сите пет нејзини очајни повици до 911 беа неуспешни, па затоа реши да оди пеш до најблискиот Старбакс, оддалечен околу 18 милји, откако нејзиниот GPS конечно проработи.

– Завршив на ова многу долго, заморно патување што го запишав во мојот дневник за да останам здрава и конечно да ја достигнам цивилизацијата – рекла таа.

„Најлошото нешто што можете да го направите во вонредна состојба е да паничите“

Тифани вели дека вештините ѝ помогнале да најде храна во дивината и, најважно од сè, да остане смирена.

Таа водела дневник, собирала праз за храна, за кој знаела дека е автохтоно растение во областа, пиела растопен снег и правела чај од манзанита и борови иглички.

– Најлошото нешто што можете да го направите во вонредна ситуација е да паничите – рече таа.

На последната етапа од нејзиното патување, Тифани успеа да се искачи на врв висок 2.700 метри, покриен со 3,6 метри снег, што ја одведе до колиба и, конечно, до безбедно засолниште. На прв поглед, таа рекла дека мислела дека халуцинира и дека стигнала до Северниот Пол.

„Навистина имам нова вера во човештвото“

Но, кога влезе внатре, ја пронајде, вели таа, најдобрата вреќа за спиење што некогаш ја видела. Осум часа подоцна, таа беше пронајдена од Кристофер Гутиерез, кој за среќа стигна до колибата откако плуговите ги расчистија патиштата тој ден.

– Тоа беше тринаесеттата голема снежна бура што ја преживеав и треба да биде последна – вели Тифани.

– Да не дојдеше тој ден, ќе го пронајдоа моето тело таму – додаде таа.

Приказната за филмот
Кристофер се сети и на моментот кога ја пронајде.

– Се појави, не проговори ни збор, само дотрча и сè што сакаше беше прегратка. Тоа беше прилично надреален момент. И тогаш знаев. Потоа сфатив кој е тоа – изјави тој.

– Навистина имам нова вера во човештвото – продолжи Тифани.

Шерифот на округот Фресно, Џон Занони, исто така, на прес-конференција рече дека нејзината приказна треба да се направи филм.

– Никогаш во моите најлуди соништа не би очекувал дека ќе се врати толку далеку. Тоа е навистина неверојатна приказна за упорност, решителност и преживување – заклучи тој.