Елиф Елмаз ѝ го посвети голот на Туркије упатувајќи порака за солидарност

0

Наполи вчера играше против Кремонезе. Мечот заврши со победа на Наполи, а третиот гол го постигна Елмаз, кој се радуваше додека со раце направи знак на полумесечина и ѕвезда (симболи на знамето на Туркије)

Македонскиот фудбалски репрезентативец Елиф Елмаз, кој го носи дресот на италијанскиот фудбалски клуб Наполи, го посвети на Туркије голот што го постигна вчера со својот клуб, упатувајќи порака за солидарност по земјотресите што ја погодија земјата.

Наполи вчера играше против Кремонезе. Мечот заврши со победа на Наполи со резултат 3:0. На овој меч, третиот гол го постигна Елмаз, кој по голот се радуваше додека со раце направи знак на полумесечина и ѕвезда (симболи на знамето на Туркије), покажувајќи дека голот ѝ го посветил на Туркије.

Елмаз на социјалните мрежи објави порака во која изрази солидарност со Туркије, која ја опиша како „моја земја“.

Тој ја напиша објавата на турски јазик, објавувајќи и знамиња на Туркије и Сирија кои се погодени од земјотресите на 6 февруари.

„Од Господ посакувам милост за нашите браќа кои загинаа во земјотресот во мојата земја. До нивните семејства упатувам сочувство, додека на повредените им посакувам брзо закрепнување. Сите заедно ќе ги надминеме овие денови, моите молитви се со вас“, напиша тој.

Елмаз во периодот од 2017 до 2019 година играше за турскиот фудбалски клуб Фенербахче.

TRT Balkan