Импулсивни фраери или мирни мажи? Еве кој е подобар во кревет

Можеби мислите дека темпераментот е тоа што ве прави заводливи – но науката има поинакво мислење.

Ако некогаш сте се запрашале како подобро, подолго и побезбедно да ја задоволите вашата партнерка, време е да погледнете во себе – во вашиот карактер. Бидејќи, како што 
покажуваат истражувањата , мажите со смирен темперамент траат подолго во кревет и имаат постабилни сексуални перформанси.

Импулсивност и секс: лоша комбинација?

Според истражувањата на турските научници, мажите кои се склони кон брзи реакции и имаат послаба контрола на импулсите имаат поголема веројатност да страдаат од предвремена ејакулација. И не само малку почесто – туку значително почесто.

Во студијата учествувале 80 мажи на возраст од 18 до 45 години , кои биле поделени во четири групи: оние без сексуални проблеми, оние кои ејакулирале пред сексуалниот однос, оние кои траеле 15-30 секунди и оние кои траеле 30-60 секунди по пенетрацијата.

Заклучокот? Колку побрзо ејакулирале, толку поизразени биле нивните импулсивни црти, помала упорност и поголема потреба за возбуда.

Предвремената ејакулација често се поврзува и со анксиозност и депресија . Истражувањата покажаа дека мажите кои имаат проблеми со предвремена ејакулација имаат шест пати поголема стапка на депресија и пет пати поголема стапка на анксиозност во споредба со оние без сексуални проблеми.

Тие едноставно немаат развиен механизам за контрола на сопствената возбуда. Додека нивното тело реагира брзо, нивниот мозок не знае како да „притисне сопирачки“.

Постои решение – и тоа не вклучува апчиња

Иако понекогаш се препишуваат антидепресиви, новите истражувања сугерираат дека постои поприроден и поодржлив начин мажот да научи да „се држи“ – преку когнитивно-бихејвиорална терапија и вежби за саморегулација. А меѓу најефикасните техники се – Кегеловите вежби .

Кегеловите вежби не се само за жени. Тие вклучуваат контракција и опуштање на мускулите на карличниот под – и директно влијаат на вашата способност за контрола на ејакулацијата. Во студија спроведена од лекари на Универзитетот во Рим, Ла Сапиенца, 40 мажи со хронична предвремена ејакулација правеле Кегелови вежби три пати неделно по еден час во текот на 12 недели.

Резултатот? 83% од учесниците го продолжиле времетраењето на сексуалниот однос за просечно 2 минути и 40 секунди. Во споредба со почетното време (околу 39 секунди), тоа е огромно подобрување.

Заклучок: самодовербата не доаѓа од бучава – таа доаѓа од контрола.

Можеби изгледа дека најгласните, најжестоките и најимпулсивните мажи се оние кои „ги горат креветите “, но вистината е – оние кои знаат да се контролираат траат подолго, даваат повеќе и оставаат подобар впечаток.

Значи, ако се грижите за вашето сексуално здравје (и репутација), време е да ги вежбате не само вашите мускули – туку и вашето трпение, стабилност и контрола .