Какви правила треба да воспостават родителите за добро да ги воспитуваат своите деца?
На децата им требаат правила за да се чувствуваат безбедно. Меѓутоа, ако претерате, може да го загрозите нивниот развој. Неопходно е да се најде рамнотежа, а психологот Ејми Морин ги наведува основните типови правила што му се потребни на секое дете.
На прво место се правилата поврзани со емоционалната и физичката безбедност. Кога децата се чувствуваат безбедно, тие се слободни да ја насочат својата енергија на истражување на нивните таленти и нивната околина.
Правилата за физичка безбедност може да бидат: „Не ја отворај вратата додека се туширам“ или „Не скокај по мебелот“. Правилата за емоционална безбедност ќе ги воспоставите со реченици како „Користете само убави зборови“, „Секој може да каже како се чувствува се додека покажува почит“.
Исто така, треба да креирате правила кои се однесуваат на позитивните вредности и морал, според Parents.com . Некои од нив може да бидат: „Извинете се кога ви е жал“, „Секогаш кажувајте ја вистината“, „Бидете фер кон другите“ итн.
Третиот тип на правило се однесува на здрави навики. Со нив, меѓу другото, ќе ги намалите непотребните расправии, се додека има јасни последици доколку детето не ги почитува. „Мечете ги забите после појадокот“ и „Ставете ја валканата облека во корпа“ се некои од нив.
Следниот тип на правила треба да се фокусира на социјалните вештини. Благодарение на нив, децата добро ќе се однесуваат кон членовите на семејството и врсниците.
„Споделете ги играчките со вашите браќа и сестри“ и „Да се менувате додека играте“ се некои примери. На многу деца им требаат и правила во врска со употребата на мобилни телефони, таблети итн. Ограничете го времето на нивното користење.
На малите им требаат и правила кои ќе ги подготват за светот на возрасните. Дозволете им да вршат домашни работи соодветни на возраста и дајте им шанса да заработат џепарлак. После тоа, научете ги како паметно да штедат и трошат пари.
