Кардиолозите посочуваат дека треба да престанеме со една навика после работа
Рутината после работа може да ви помогне да се опуштите по напорниот работен ден. Изборот на рутина е исто толку важен како правилната исхрана, редовното вежбање и слично, од кои имаме психички и физички придобивки. Кардиолозите за Parad открија која навика многу луѓе треба да ја прекинат, а која ја прават откако ќе се вратат од работа.
Кардиологот др. Ригвед Тадвалкар истакнува: „Добро или лошо, нашите секојдневни навики значително влијаат на здравјето на нашето срце со текот на времето.”
Вообичаена навика за прекин после работа за здравјето на срцето
Тадвалкар и уште двајца кардиолози ве поттикнуваат да усвоите навики кои го поддржуваат здравјето на вашето срце. Оваа препорака може да вклучува и прекин на многу вообичаена навика која често се смета за корисна, но не е. Лекарите како таква навика го издвоиле пиењето вино.
„Редовното пиење вино може да предизвика разни проблеми за вашето срце и општото здравје“, тврди докторката и додава дека истото важи и за црвеното вино.
Интервентен кардиолог др. Шејла Сани, која објаснува: „Првичните студии кои укажуваа на заштитен ефект на умереното консумирање на црвено вино се фокусираа на антиоксидантот ресвератрол, присутен во грозјето. Сепак, поновите студии покажаа дека потенцијалните придобивки од ресвератролот може да бидат ограничени или тешко да се постигнат со само консумација на вино“.
Како што објави Parad, прегледот и мета-анализата од 2023 година го поврзаа консумирањето вино со полошо здравје на срцето. Голема студија од 2024 година на повеќе од 697.000 луѓе покажа дека жените со умерен внес на алкохол имаат речиси 30 проценти поголема веројатност да развијат срцеви заболувања во споредба со оние кои пријавиле низок внес.
Кардиологот др. Каришма Патва истакнува дека „прекумерното консумирање алкохол го зголемува ризикот од мозочен удар, срцев удар, срцева слабост, болести на црниот дроб и панкреасот, неколку видови на рак и лошо ментално здравје. Луѓето често пијат после работа за да се релаксираат, да се ослободат од стресот или да се дружат со колегите.”
Сепак, кардиолозите предупредуваат дека може да доживеете спротивен ефект.
„Алкохолот има депресивно дејство на централниот нервен систем, што на почетокот создава чувство на релаксација“, објаснува др. Сани додава: „Овој ефект често е краткотраен, а алкохолот може да го наруши сонот и да ја влоши анксиозноста, што на крајот го отежнува намалувањето на стресот“.
