Кајли Џенер позираше само во гаќички: Го украси своето тело со светки (фото)

Американската ријалити ѕвезда Кајли Џенер го привлече вниманието на многу нетизени откако позираше во смела облека покриена со светки.

Таа беше фотографирана само во долна облека, а градите ги покри со рацете. Позираше со круна на главата и нагласена шминка. Станува збор за нова реклама за нејзиниот бренд „Кајли Козметикс“.

Таа промовира линија шминка наречена „Кралска Кајли колекција“, инспирирана од шминката што ја носела кога имала 17 години.

„Од дното на моето срце, ви благодарам што ми се придруживте на ова патување. Се надевам дека оваа колекција ќе ве направи среќни како што вие ме направивте мене“, напиша таа, меѓу другото. Воодушевените обожаватели го пофалија нејзиниот изглед.

„Ве сакаме“, „Кралицата се врати“, „Ви благодариме што ни го разубавивте денот со овие фотографии“, „Една од најубавите жени на светот“, се дел од коментарите.

Таа беше позната по своите „смели“ бои на косата како руса и розова и по нејзината тешка шминка во тинејџерските години. Претходно, во интервју за списанието Elle, таа изјави:

„Таа ера секогаш ќе биде дел од мене, но никогаш нема да биде каква што беше кога бев помлада. Сега веројатно никогаш не би носела вештачки трепки и не би имала густи веѓи. Постојат одредени трендови што ги надминав.“

Сепак, таа одлучи повторно да продава ваков вид шминка како дел од својот бренд, што ги израдува нејзините обожаватели.