Кина воведува дополнителни царини од 34 отсто за американските стоки

Кина денеска објави дека ќе додаде царина од 34 отсто за американските стоки почнувајќи од 10 април.

Кинеското Министерство за финансии соопшти дека американските царини за кинески производи се „неконзистентни со меѓународните трговски правила“.

Американскиот претседател Доналд Трамп вчера објави тарифи од 54 отсто за Кина, кои ги вклучуваат и претходните царини кои се веќе воведени.

Тој одлучи да воведе царини за голем број земји во светот, чии стоки увезени во Америка ќе подлежат на царина од 10 до 47 проценти.

Берзите во Азија паднаа втор ден по ред, откако американскиот претседател Доналд Трамп објави бараж царини на 180 земји и територии. Берзите паѓаат како што расте загриженоста за глобалната трговска војна.

Иако Трамп го нарече воведувањето тарифи „ден на економска независност“ за САД, економските аналитичари предупредуваат дека потегот, доколку се спроведе, може да го турне светот во нова рецесија.