Ковачевски на отворањето на Министерскиот совет на ОБСЕ: Колку побрзо да се запре руската агресија во Украина

0

Премиерот на Македонија, Димитар Ковачевски, одржа говор на отворањето на 30. Министерски совет на ОБСЕ што се одржа во Скопје.

Ковачевски го започна својот говор спомнувајќи ја руската агресија во Украина, повикувајќи на прекин на војната. Тој рече дека со руската агресија се прекршени сите меѓународни конвенции и човечки вредности.

„Руската агресија против Украина е кршење на секоја меѓународна конвенција. Секој изминат ден покажува дека воената агресија не е решение. Војната во Украина мора што поскоро да престане“, рече меѓу другото Ковачевски

Тој ги спомена и тензиите во земјите од регионот, повикувајќи да се остават настрана националистичките агенди.

Ковачевски истакна дека денешниот настан во Скопје е кулминација на раководството на РСМ со ОБСЕ.

Инаку, Македонија е домаќин на 30. Министерски совет на Организацијата за безбедност и соработка во Европа – ОБСЕ, на кој учествуваат околу 1000 делегати од 57 земји членки на Организацијата и земји партнери.

Во рамките на Советот на министри ќе се одржат повеќе поврзани тематски настани, меѓу кои и потпишувањето на Декларацијата за борба против корупцијата во Југоисточна Европа преку враќање на имотот и користење на дигитализацијата, за што покрај министерот Османи , министрите ќе потпишат и за надворешни работи на Србија, Босна и Херцеговина, Црна Гора и Албанија, Ивица Дачиќ, Елмедин Конаковиќ, Филип Ивановиќ и Игли Хасани.