Конечно е познато во кој град ќе се одржи Евровизија 2026

На радост на сите фанови на Евровизија низ целиот свет, конечно е познато во кој град ќе се одржи следната година.

идејќи натпреварот се одржува во Австрија, градот Виена официјално ќе биде домаќин на 70-от избор за песна на Евровизија.

Виена, главниот град на Австрија, е избрана од ЕБУ и австрискиот јавен радиодифузен сервис ORF за домаќин на 70-тото издание на Евровизискиот натпревар за песна, кој ќе се одржи во мај 2026 година.

Ова доаѓа по победата на уметникот Џеј-Џеј на Евровизија 2025 во Базел со „Wasted Love“, со што Австрија ја освои третата победа.

Двете полуфинални вечери ќе се одржат на 12 и 14 мај, а потоа финалето на 16 мај 2026 година во „Винер Штадхале“, најголемата затворена арена во Австрија.

Трет пат во Виена

Виена претходно беше домаќин во 1967 година по победата на Удо Јиргенс, а во 2015 година по победата на Кончита Вурст. Сега ќе биде домаќин на натпреварувањето по трет пат.

Градот беше избран во конкуренција на неколку градови поради одличната инфраструктура, капацитетот за сместување на илјадници посетители и искуството во организирање на големи настани.

Официјални изјави

ЕБУ објави дека Виена е идеален домаќин поради нејзината музичка традиција и локација во центарот на Европа.

ОРФ вели дека Виена понудила најдобра комбинација од инфраструктура, логистика и економски услови.

Градоначалникот на Виена, исто така, зборуваше за ова и истакна дека посебен акцент ќе се стави на достапноста на настаните за сите, вклучително и бесплатните настани на јавни места.

Директорот за виенски туризам вели дека Виена и Евровизија се совршена комбинација – градот на музиката и најголемиот музички настан во светот.

Програмата, како и информациите за билетите за деветте различни претстави, ќе бидат објавени подоцна во текот на годината.