Маричиќ – Копман: Со Планот за раст граѓаните ќе ги почувствуваат придобивките од членството во ЕУ

0

Успешната завршница на скрининг процесот и Планот на ЕУ за раст на Западниот Балкан беа во фокусот на разговорите во Брисел на вицепремиерот задолжен за европски прашања Бојан Маричиќ и генералниот директор на Директоратот за соседство и преговори за проширување на Европската комисија (НЕАР), Герт Јан Копман.

Маричиќ и Копман на синоќешната средба оценија дека Планот за раст претставува премостлива фаза од крајот на скринингот до отворањето на Кластерот 1, преку инвестиции и реализација на реформи, со кои граѓаните ќе ги почувствуваат придобивките од ЕУ и ќе ја приспособат државата за полноправно членство во Унијата.