Министерството за животна средина ќе изврши увид во работата во JП „Дрисла“
Заменик Првиот премиер и министер за животна средина и просторно планирање, Изет Меџити денеска на средба беше домаќин на претставници на здруженијата „Ринија е Батинца“ и „Вукат“ кои ја искажаа својата загриженост и незадоволство за лошото управување со отпадот и медицинскиот отпад од страна на на Јавното претпријатие „Дрисла“ со кое раководи Град Скопје, соопшти Министерството за животна средина.
„Во име на жителите на село Батинца и населбите кои гравитираат околу депонијата Дрисла, претставниците на двете здруженија информираа дека како резултат на несоодветното управување од страна на дирекцијата на оваа депонија, има драстично влошување на здравје на жителите на село Батинца и околината“, велат од таму.
Според нив, имаат само едно барање, современи депонии со еколошки и европски стандарди.
Мејити на средбата рече дека Министерството во соработка со Државниот инспекторат за животна средина ќе го испита нивното барање и ќе изврши увид во дејноста и начинот на кој оваа компанија постапува со отпадот, доколку ги исполнува своите обврски и евентуалните пропусти поврзани со нивната работа.
Откако ќе ја увидат состојбата на терен, гледаат оттаму, Министерството за животна средина ќе ги испита можностите за изнаоѓање на потребните средства и алатки за модернизација на депонијата Дрисла и подобрување на животниот стандард на жителите. во негова близина.
