Народната банка најавува намалување на надоместоците за електронски плаќања

Народната банка, преку промени во платниот систем, планира да го модернизира системот и да ги охрабри граѓаните да вршат електронски плаќања. Тие проценуваат дека ќе има поедноставување и намалување на надоместоците во земјата и SEPA

„Моделот е базиран на принципите и практиките на централните банки во Евросистемот за фиксни и предвидливи надоместоци според обемот на трансакциите, со што се создава простор за поедноставување и намалување на надоместоците што банките им ги наплаќаат на клиентите за извршување на електронски плаќања преку домашни платни системи“, соопшти Народната банка.

Ова ќе биде сосема нов модел за наплата на банкарски сметки, по членството на Северна Македонија во SEPA.

„Советот на Народната банка утврди надомест за плаќања на државни органи во евра со земјите од СЕПА во фиксен износ од 3 евра по трансакција за налози иницирани електронски и 5 евра за налози иницирани на хартија“, објасни Банката.

Народната банка објави дека одлуката ќе стапи на сила на 1 август.

„Наместо сегашните просечни трошоци од 14 евра по трансакција преку кореспондентски банки, ќе се применуваат фиксни надоместоци од 3 евра за електронски иницирани налози и 5 евра за хартиени налози“, објаснуваат од Банката.