Ниту пластичната хирургија не може да направи чуда! Хирург обвинет за фотошопирање слики

Ниту пластичната хирургија не може да прави чуда – хирург од Турција стана вирален поради неговите неверојатни трансформации, но го обвинуваат за манипулација.

Пластичниот хирург Фарзан Малекзадех од Турција го привлече вниманието на јавноста со своите неверојатни трансформации на жени , користејќи ја таканаречената „Техника на Пикасо“. Овој метод вклучува серија нехируршки процедури кои го менуваат обликот на лицето, но многу корисници на социјалните мрежи изразија сомнеж за автентичноста на неговите резултати.

Социјалната мрежа X ги означи неговите слики како фотошопирани, тврдејќи дека платените инфлуенсери шират лажни коментари и фотографии за да ги измамат луѓето.

Doctor is going viral for his special “Picasso Technique,” pic.twitter.com/YQjHY2C8mF

— FearBuck (@FearedBuck) January 31, 2025

Критичарите истакнуваат дека неговите фотографии се чини дека се генерирани од вештачка интелигенција, додека некои медицински експерти предупредуваат дека Малекзадех избегнува да прикажува необработени слики на пациенти.

Дополнително, се нагласува дека и претходно се обидел да се занимава со музика и актерска кариера, без успех. Се огласи и британската NHS, потсетувајќи дека многу клиники во Турција не подлежат на истите безбедносни стандарди како во Велика Британија, што доведе до стотици случаи на медицински компликации кај Британците кои се одлучиле за естетска хирургија во странство.

 Овој случај уште еднаш докажува дека сè што гледаме на интернет не е точно – ниту пластичната хирургија не може да го направи невозможното, а особено не фотошоп и лажни коментари.